वास्को नगरपालीकेन प्लास्टीक, पोरने कपडे, चपलां एठांय करपाची देणगी मोहिम केली सुरु. पर्यावरण सांबाळटा आसतना, गरजेवंतांकूय मदत करूया. आयच्या युगांत REDUCE, REUSE, RECYCLE खुब म्हत्वाचें, पर्यावरण नितळ दवरपाक नितळसाण पाळची पडटली. घरांत वापरना त्यो वसतू भायर मेळटा थंय उडोवच्यो न्हय, त्यो जर वापरपाच्या परिस्थितींत आसा जाल्यार त्यो गरजेवंत लोकांक दिवपाचो विचार वास्कोचे आमदार दाजी साळकार हाणी उक्तायलो. ह्या वेळार नगर सेवक शमी साळकर, वास्को नगरपालिकेचे अघ्यक्ष लियो रोड्रिग्स, रामचंद्र कामत हाजीर आशिल्ले.
